المزيد

حكايه الإخوان مع الامريكان بعدهوجه25يناير

حكايه الإخوان مع الامريكان بعدهوجه25يناير

لما الإخوان سيطروا على البلد بعد هوجة 25 يناير؛ قرروا يعملوا أي حاجة عشان يفضلوا في الحكم، ووصلوا رسالة للأمريكان والإسرائيليين بتقول: “إحنا رجالتكم.. بس تدعمونا”..

وكان بينسق بينهم وبين الأمريكان دولة خليجية..

وفي 2012 حصل أخطر اجتماع بين الإخوان والأمريكان..
لكن رجالة المخابرات كانوا راصدين كل حاجة..

والبداية لما وفد من مكتب إرشاد الإخوان سافر للدولة الخليجية..
ومن هناك خدوا طيارة على واشنطن عشان يعملوا اجتماع مع المخابرات المركزية الأمريكية..

الاجتماع كان سري..
بس مصدر جوا الجماعة نقل المعلومة للمخابرات اللي حطتهم تحت المراقبة..

وفي الاجتماع اتفقوا يتنازلوا عن تلت مساحة سينا على مرحلتين؛
في المرحلة الأولى يتنازلوا عن 600 كيلومتر مربع..

وفي المرحلة التانية يتنازلوا عن باقي المساحة..

وخلال أربع أو خمس سنين يبقى الموضوع أمر واقع.. وتتعمل دولة فلسطينية في غزة وسينا.. وده اللي بيمسوه “الوطن البديل”..

المهم..
بتوع المخابرات الأمريكية قالوا للإخوان إنهم هيعملوا الدولة الفلسطينية على تلت مساحة سينا وكل مساحة غزة.. وهيبقى للدولة دي حدود وبحر ومواني ومطار.. وكمان هيتكفلوا بإعادة الإعمار..
لكن بشرط الدولة الجديدة تكون من غير جيش نظامي.. والمسموح بيه قوات بتسليح خفيف للحماية مش للحرب.

وطلبوا من الإخوان يمهدوا الجو عشان يبقى فيه تطبيع كامل مع إسرائيل..
وكمان يمهدوا الوضع لحكاية الوطن البديل..

والمقابل هتفضل الجماعة في الحكم لسنين كتير جدا..

قيادات الإخوان قالوا: “هنشوف الموضوع، وهنتصرف بطريقتنا عشان الحكاية متبوظش”..

وبعد ما الاجتماع انتهى والوفد رجع مصر.. ابتدا التمهيد للمشروع عن طريق عصام العريان.. اللي طلع وقال: اليهود اللي هاجروا من مصر وراحوا إسرائيل ممكن يرجعوا وياخدوا أملاكهم من تاني..

وبرر كلامه بأن كل يهودي هيرجع هيفضي مكان لفلسطيني..

وطبعا الناس وقتها مكانتش فاهمة ليه عصام العريان قال كدا.. واستغربوا جدا من تصريحاته..
د حتى ناس من الإخوان نفسهم شتموه..
لكن الحقيقة إن كل ده كان متخطط والهدف منه عن بيع سينا وتأسيس الوطن البديل..

وبعد شوية وتحت إشراف مرسي ابتدى بيع الأراضي على الحدود مع غزة لناس فلسطينيين.. ومجموعة تانية خدوا الجنسية المصرية..

والخطة كانت ماشية مظبوط..
لكن الفريق السيسي بوظلهم كل حاجة لما منع بيع الأراضي على الحدود، وحظر بيع أي أراضي أو بيوت لحد غير مصري في سينا..

والغريب إن نفس المشروع اتعرض وقت الرئيس مبارك اللي يرحمه.. وحاولوا معاه سنين طويلة أوي لكن كانت إجابته كلمة واحدة “مستحيل”..

وفي مرة في اجتماع مغلق مع كبار قيادات الحزب الوطني حكلهم كل تفاصيل خطة الوطن البديل.. وقالهم: “مصر شوكة في حلق المشروع ده.. وهتفضل واقفه أدامه مهما حصل ومهما حاولوا يخلصوا مني”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى