إيهاب نافع (( داهيه من دواهي مصر.. ثعلب المخابرات المصرية))🇪🇬

أسمه الحقيقي / محمد ايهاب نافع
من مواليد القاهره سنه 1935 في حي الموسكي
كان حلم حياته من الطفوله أنه يكون طياار بالقوات الجوية المصريه
و لانه كان من اسرة ثرية و معروفة دخل كلية الطيران اللي هي حاليا الكلية الجوية و تخرج منها سنه 1955 و لانه كان فايتر طيران ممتاز و من أمهر 10 طيارين في المناورات العسكرية الجوية
تم أختياره ليكون … (( الطيار الخاص و السري للرئيس الراحل / جمال عبد الناصر ))
ظل فتره الطيار الخاص للرئيس جمال عبد الناصر و تزوج اول مره من دكتورة تعرف عليها في أحد النوادي و انجب منها طفل اسمه / ايمن
و بالمناسبة / ايمن دلوقتي دكتور برضه .. و طبيب مشهور
و بعدها في احدي الحفلات اللي كانت بتعملها السفارات تعرف علي الفنانه / ماجده .. و تزوجها سنه 1963 .و ماجده وقتها كانت صاحبة شركه انتاج سينمائي . ماكنتش تعرف عنه غير أنه رجل اعمال . مش معقول طبعا طيار الرئيس هيقول انا طيار الرئيس .
ده الطيار السري كمان . اللي محدش يعرفه غير المخابرات و الرئاسه فقط
و بالفعل تزوجوا و انجب منها غاده نافع .

من بعد دخوله المجال الفني .بقي له علاقات كتير مع ناس في شتى الدول . كلهم كانو يعرفوا الفنان / إيهاب ناافع .. لكن ماكنوش يعرفوا . (( رجل المخابرات المصريه الثعلب / إيهاب نافع ))
اللي من خلال علاقاته في الوسط و السفر و الرحلات .. شاف واحد من القيادات الاسرائيليه و هو / عيزرا فايتسمان .
اللي أصبح بعد كده رئيساً لإسرائيل .. و كان وقتها رئيس القوات الجوية الاسراليه .. و طبعا علشان عيزرا فايتسمان كان برضه من مواليد الموسكي .. فكان هو و ايهاب نافع أصحاب لحد ثانوي

و طبعا ماينفعش صيد ثمين زي ده يمر كده مرور الكرام علي جهاز المخابرات المصري . احنا مصر برضه .. من اذكي اجهزة المخابرات في العالم .. و بالادلة

تم الاتفاق مع ايهاب نافع أنه يقرب جدا و يوطد علاقته ب عيزرا فايتسمان
و يبقوا أصحاب اكتر . و قد كان … اتقابلوا مع بعض .. و رجعوا العلاقة اكتر و اكتر .. و طبعا بقي كلام الاصحاب .. انت فين و بتعمل ايه و شغال فين دلوقتي و ضحك و و و ..الخ
و طبعا عيزرا فايتسمان كل ده و مايعرفش أنه بيقع في شبكه الصيااااد ايهاب ناافع
بعد فترة .. عيزرا فايتسمان طلب من ايهاب نافع أنه يشتغل معاهم كعميل للموساد .. بحكم أننا اصدقاء و انت بتقول أن مصر دلوقتي مابقتش زي الاول و انك زهقان بالرغم من انك دلوقتي نجم كبير بس برضه
في الاول رفض ايهاب نافع و اتعصب عليه و سابه و مشي .. لكن دي كانت من ضمن خطه الخداع
لكن وافق ايهاب نافع علي طلبه بعد كده و بقي الاسم / عميل الموساد الإسرائيلي … لكن فعليا هو / ضابط المخابرات المصريه المزروع داخل إسرائيل و جيشها .
ايهاب نافع في الفتره دي بقي يعطي عيزرا فايتسمان معلومات مغلوطه و غير حقيقية و يسرب له كده في النص معلومه صحيحه . زي ازمه السكر .. مفيش زيت . علشان يعرفوا أن المعلومات صحيحه لأن بالفعل كانت في الوقت ده في ازمه في السلع التموينيه
لكن المعلومات العسكريه كانت كلها غلط .. قواعد صواريخ هيكليه خشبيه .. تضرب و يفرحوا بإيهاب ناافع
سفينه قديمه متهالكه يتحط عليها مدفعين خشب و علم مصر و يقولهم أنها تبع الأسطول يضربوها و يفرحوا
و في نفس الوقت هو بيجمع معلومات تانيه خاالص عن قلب الجيش الإسرائيلي و تجهيزاته … و في مره عزمه عيزرا فايتسمان في مكتبه و قعدوا يتكلموا .

و بعين ظابط المخابرات .فحص ايهاب نافع كل جزء في المبني و المكتب و عرف اماكن المراقبه و كيفيه تعطيلها
و في يوم من ايام السبت .و الكل اجازه يوم عيد الفصح . دخل ايهاب نافع لمكتب عيزرا فايتسمان . و قام بتصوير كل المستندات و الرسومات الخاصه بخطط وزاره الدفاع في حالة الحرب … و كان معاهم رسومات في غايه الدقه المتناهيه لأماكن تمركز الوحدات اللاسلكيه و العسكريه علي خط بارليف .

و اخد كل ده و سافر.
و بعدها تم تسليمها للمخابرات المصريه .. اللي بالفعل استفادنا منها جدا في حرب اكتوبر 1973 و مش عاوزه اقولكم أن ايهاب نافع
كان سبب في تحديد ساعه الصفر في حرب اكتوبر .. لانه في احدي جلساته مع عيزرا فايتسمان .. تعرف علي اربعه من أكبر قيادات المو#ساد الإسرائيلي .. و منهم شمعون بيريزكي …. و الشهير ب شيمون بيريز
و اتكلموا عن مصر و الاستعدادات المصريه و هو كان يقولهم
هما لاقيين ياكلوا .. دول بيخططوا للانقلاب علي السادات .. الناس مش طايقاه .. مش لاقيين رغيف العيش .. و و و الخ
و يضحك معاهم عاادي جدا
لحد ما وصلته معلومه من ديفيد بن جوريون .. بيقول أن حفله عيد الغفران السنه دي يعني بعد سنه من تصوير مكتب عيزرا فايتسمان
هتتعمل في مدينة كذا و ايهاب معزوم فيها و كل القيادات هتكون موجوده و بالمره يتعرفوا اكتر علي ايهاب.
و بالفعل تم دعوة ايهاب نافع .. بس للاسف ايهاب ماقدرش يلبي الموعد
لانه كان مشغول بتحضير حاجه اكبر  كان مشغول بالمناقشه مع القيادات المصريه .

في تحديد أهداف طلعه الطيران الأولي . بالنسبه لمخازن الزخيره و حوائط الصواريخ و الدشم المحصنه و قواعد الطيران الارضي ….!!!
بعد ما تأكد مليووون في الميه .. أن اليوم ده .. كل قيادات الجيش الإسرائيلي.. هيكونوا مشغولين في الاحتفال بعيد الغفران .. اللي كان اسود يوم عيد في حياتهم .

و طبعا كمل بطولاته بتوصيل رساله فالتوارد بيتون .. ارمله رافت الهجان . (( رفعت الجمال )) لجهاز المخابرات المصريه .. علشان يكون سبب في أنها تعرف حقيقه بطولات زوجها .

(( اللي هو كان ايهاب ناافع أيضا من ضمن المجموعه التي قامت بتشغيله و المسئولة عن الملف الخاص بيه .. لكن دون أن تعلم أرملته و دون أن يعلم إلا القليل من المسئولين عن تشغيل رفعت الجمال ))
و تظل اعمال ايهاب نافع الفنية علنية …. و يبقي ايهاب ناافع بأعماله الأخري و الحقيقية سرية .

و في يوم 30 ديسمبر2006 .رحل ثعلب المخابرات  والطيار والفنان المصرى عن عالمنا الله يرحمه ويحسن اليه.