المزيد

متصلة تعترف على الهواء انها سحرت لزوجها

متصلة تعترف على الهواء انها سحرت لزوجها

أثيرت حالة من الجدل على مواقع التواصل الإجتماعى بعدما قامت قناة النهار بعرض مقطع فيديو من برنامج ” أسال مع دعاء” للمذيعة دعاء فاروق لمكالمة هاتفية من سيدة تعرض مشكلتها وهى انفصال زوجها عنها بعدما قامت بجلبه عن طريق السحر والأعمال وجاءت تفاصيل المكالمة الهاتفية كالتالى :

“انا عاوزاكم فى حاجة بس يا ريت لا تقطعوا عليا الخط ولا مش عارف ايه وتسمعونى للاخر .. أنا اتجوزت واحد ما بيحبنيش وانا عارفه انه مش بيحبنى عملته سحر عشان اجيبه وجبته فعلا ودفعت مبلغ كبير جدا عشان اعمل العمل ده ونجحت أنه افرق بينه وبين مراته وسببتلها اذي كبير لدرجة انها ممكن تجري تصرخ فى الشارع وحاجة تانيه كتير بهدلتها وخربت بيتها واتجوزت جوزها وكنا عايشين كويس 4 سنين لحد ما في يوم كان بايت عندي وصحى فجأة أكنه مش عارفنى وطلقنى .روحت للي عملى العمل عشان يشوف ايه اللى حصل قالي أن العمل اتفك من عند ربنا وبما انه اتفك كده مستحيل يتعمل تانى
طلبت أعمل له عمل تانى قالي مينفعش خلاص انسي .. قولتله دا مش فاكر اى حاجة بنا حصلت ولا فاكرنى ولا فاكر العيال رد عليا وقالى ايوة دا طبيعى لان المسحورلما بيفوق بينسي كل اللى حصل في فتره السحر بقيت هتجنن مش عارفة اعمل ايه .بس هو لما طلقنى ادانى كل حقوقى ..كامل حقوقي وبيصرف على الاطفال ومدارسهم.”.

استكملت حديثها ” انا كنت بكلم رجاله كتير بس بنتكلم فون وكده يعنى مش بيحصل بنا حاجة فى الحقيقة بس ولاد الحرام وقعوا بنا ووصلوله الكلام ده بعد ما طلقنى وهو شك ودور ورايا ووصل للارقام دى وكلم الرجاله دى وبقي شاكك في ان العيال مش عياله.ومبقاش عاوز يكلمهم ولا يعرفهم ..ولسه بيصرف عليهم ولو طلبت فلوس بيبعتلي لكن بيرفض يكلم او يشوف العيال. وانا مش عارفه اقول للعيال ايه؟ هو لحد دلوقتى ساتر عليا ولا قال لحد ولا لاهلي موضوع العمل والرجاله وانا مش عارفه اعمل ايه واقول للعيال ايه .”وفى حالة من الصدمة والذهول الذى ظهرت علامته على وجه المذيعة وبدأت تتسأل ” طب انتى بتسالى علي اية دلوقتى ” لترد السيدة قائلة : عاوزة اعرف اقول للعيال ايه .تلك المكالمة التى أشعلت جدل وغضب نشطاء مواقع التواصل الإجتماعى حيث تفاعل عدد كبير من مستخدميه وتصدر هذا الفيديو نسبة مشاهدة كبيرة وتم تداوله على نطاق واسع .

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى