إعلامي لـ”هيفاء وهبي”: “إحنا مالنا بقميص نوم حضرتك”

وجه الإعلامي محمد موسى، رسالة نارية، إلى الفنانة هيفاء وهبي، بعد نشر صورة لها عبر موقع على “انستجرام” وهي ترتري قميص نوم قصير ومكشوف الخبر.

وقال “موسى” خلال تقديم برنامجه “خط أحمر”  منفعلًا “بسأل الفنانة إحنا مالنا ومال قميص نوم حضرتك، وإيه ذنب المجتمع أنه يتابع قميص نوم حضرتك إن كان أبيض ولا أحمر ولا شفتشي”.

وأضاف “ارحموا الناس شوية، ارحموا المجتمع شوية، بتتفننوا أنتي وغيرك إزاي تجرفو عادات وتقاليد المجتمع وتغيروها للأسوأ، مش بتكلم على عاداتنا المصرية بس لا عاداتنا وتقاليدنا العربية، هو حضرتك مش عارفه أن فيه معجبات ليكي ممكن يطلعوا يقلدوكي ويقولوا زي هيفاء وهبي”.

وتابع “ايه اللي عايد عليكي لما تتصوري بقميص نوم وتنشريها على موقع عام زي الفيس بوك أو انستجرام أو تويتر هل ده حضرتك بيكمل حاجة عندك الناس مش عارفاها ولا إيه، الحقيقة دي رسالة لكل فنان”، موجهًا رسالة إلى معدي برنامجه “محدش يعرض الصورة لإني هبقى بساعد باللي هما يعملوه يا فنانين يا كبار المفروض أن حضرتكم بتشكلوا ثقافة المجتمع وكل تصرف بيصدر محسوب عليكم”.