لاعب الزمالك السابق ينهمر في البكاء ويكشف موقف زيزو
لاعب الزمالك السابق ينهمر في البكاء ويكشف موقف زيزو
أكد إبراهيم شيكا، لاعب فريق الزمالك السابق، أنه لم يجد الدعم من لاعبي الفريق الأول لكرة القدم بالنادي، خلال رحله علاجه من مرض السرطان.
وقال إبراهيم شيكا: «أنا ماشي حاليًا على بروتوكول علاج كيمياوي، لتصغير حجم الورم، ممكن في مرة يكون معايا فلوس أدفع ثمن جرعة الكيماوي، وفي جرعة تانية ممكن أبيع حاجة من البيت عشان أكمل الفلوس».
وأضاف: «أنا متجوز وعندي طفلين، ومطلوب مني إيجار شقة وأكل وشرب ومصاريف الطفلين، وأنا مش بعرف اشتغل بسبب جلسات الكيماوي، ومطلوب مني ده كله».
وتابع باكيًا: «محدش وقف جنبي وكله باعني، أنا 75% من علاجي نفسيًا، فجأة كله باعني»، مضيفًا: «مفيش جنيه طلعلي من نادي الزمالك مع إني سمعت كلام من زملاء ليا إن لعيبة الزمالك اتكلموا مع بعض وهيطلعولي حاجة، مفيش حد فيهم حتى قالي ألف سلامة عليك».
وأتم: «أنا كنت سمعت قبل مباراة الزمالك الأولى في الكونفدرالية إن زيزو، اتكلم مع اللعيبة في أوضة اللبس وقالهم (لازم نعمل حاجة عشان إبراهيم شيكا) كنت منتظر بعد المباراة الأولى في الكونفدرالية حد يكلمني من اللعيبة لكن مفيش حد كلمني».
أكد إبراهيم شيكا، لاعب الزمالك السابق، أن حسين لبيب، رئيس القلعة البيضاء، لم يدعمه خلال رحله علاج من مرض السرطان.
وقال إبراهيم شيكا، في تصريحاته: «عندي ورم خبيث في المستقيم، دكتور عملي عملية بالغلط وهو ما تسبب في أن المرض يتحول من حميد إلى خبيث».
وأضاف: «ذهبت إلى طبيب أخر، طلب مني الحصول على عينة من الورم لتحليلها وجاءت نتيجة التحليل (كانسر)، وبدأت بعدها في عمل بروتوكول علاج الكيماوي».
وتابع: «أنا ملحقتش أعمل فلوس من الكورة تساعدني على العلاج، بدأت في عمل فيديوهات على صفحتي على تيك توك، عشان الناس تساعدني، وبدأت اكلم المسؤولين في نادي الزمالك وتحديدًا حسين لبيب، رئيس النادي، كلمته في بداية مرحلة علاجي عملي بلوك»
وأوضح: «بعت التحاليل والإشاعات على الواتس، وقولتله أنا كنت لاعب في الزمالك ومحتاج حضرتك تقف جنبي، لاقيت مفيش رد خالص واتصلت بيه على الموبايل مش بيرد، لاقيته عملي بلوك»
وأشار: «المستشار مرتضى منصور، بعدها تواصل معي وقابلته وساهم في علاجي بمبلغ مش كبير، ولكن أنا بشكره على وقفته معايا».
