زيزو يفجر مفاجأة بشأن انتقاله إلى الأهلي.. تصريحات نارية

في تصريحات نارية لأحمد سيد زيزو، فجر لاعب الزمالك مفاجآت جديدة حول العلاقة المتوترة بينه وبين النادي، قائلاً: “النادي الأهلي نادي محترم وبحترمه زي ما بحترم الزمالك وجمهوره، وحقي ألعب في الأهلي، على فكرة التاريخ مش بيتمسح”.

وأضاف زيزو في تصريحاته المثيرة: “أنا في غاية الإحباط.. مش مصدق إن دي المعاملة اللي اتعاملت بيها وأنا عمري ما قصّرت مع الزمالك!”، وتابع: “كنت أقعد في جلسة مع الإدارة.. وأول ما أخرج ألاقي الجمهور بيشتمني! ليه؟ مشكلتي مش فلوس.. مشكلتي في التقدير!”

وفي تفاصيل أكثر كشف زيزو عن أنه سمع من أحد المسؤولين في النادي: “لو مجددتش مع الزمالك، متروحش الأهلي!”.

وعلق زيزو قائلاً: “أنا اللي كنت بغشّش حسين لبيب يتعامل مع بابا ازاي.. أنا اللي بتحايل على النادي بقالي 7 شهور عشان أجدد!”

وعن العروض المالية، قال زيزو: “عرض الزمالك كان أقل عرض جالي من كل العروض اللي وصلتني!” وكشف زيزو عن تصريحات مثيرة من هشام نصر وميدو، حيث قال له الأول: “إنت عايز أكتر من 60 مليون!”، بينما سخر الثاني قائلاً: “هو دا اللي طالب الفلوس دي كلها؟!”.

وفي مشهد آخر، أشار زيزو إلى معاناته مع جمهور النادي قائلاً: “الجمهور سبّني بعد ماتش بتروجيت.. قالولي امشي يا زيزو! وأنا مش أعلى راتب للاعب مصري أصلًا!”

وفي ختام تصريحاته، أكد زيزو ولاءه للنادي وقال: “أنا عمري ما تمارضت.. ورفضت عرض خارجي بـ11 مليون دولار.. عشان الزمالك!” لكنه أشار إلى أنه يشعر بعدم التقدير رغم كل ما قدمه للنادي.