«إزاي وافقت؟» راندا البحيري تنتقد مقدمة رامز جلال عن أسماء جلال

انتقدت الفنانة راندا البحيرى، طريقة تقديم الفنان رامز جلال، للفنانة أسماء جلال فى أولى حلقات برنامج المقالب «رامز ليفيل الوحش».

وكتبت راندا البحيرى عبر حسابها على فيس بوك: «هى المقدمه اللى اتقالت على النجمه اسماء جلال فى برنامج المقالب ده شئ عادى؟؟؟ شى مقبول؟ اسماء أنت موافقه ازاى؟؟ إذا كان أنا دمى محروق بجد مش هزار والله والله».

واستضاف الفنان أسماء جلال فى الحلقة الأولى من برنامج المقالب الجديد رامز ليفل الوحش الذى يقدمه الفنان رامز جلال، وقدمها كعادته بمقدمة ساخرة ومليئة بالتعليقات اللاذعة.

وقال رامز خلال تقديمه للحلقة: «فى الشر معنديش ضمير، النجمة اللى معانا النهارده مش بس جريئة دى عاملة حريقة، عرفت توصل للشهرة والنجمومية بأسهل طريقة، كل اللى بتعمله إنها بتتصور فى الجيم، الليجن هو سر الخلطة، الجسم مفهوش غلطة، اشتغلت على السمانة والعضلة الخلفية»..

وأضاف: « بدل ما تحسن أداءها فى التمثيل بقت مقضياها نهار وليل على التريدميل، بوستاتك تهد الحيل، ومؤخرًا بقت تعمل مشاهد فلفل وشطة والموضوع بقى خطير وواضح ملكيش كبير».