من خلال متابعتى لمواقع التواصل الاجتماعي أصبحت تمتلئ بالعديد من سيشنات التصوير التى يتنافس فيها الموديلز والميكاب ارتيست والمصورين ومصممين الازياء ومصففين الشعر وغيرهم ورغم الكثرة إلا ان المميز هو من يلفت الإنتباه ويجذب إليه رواد مواقع التواصل الاجتماعي وتنهال عليه التعليقات والاعجابات والمشاركات .
ولقد لفت انتباهي سيشن تصوير مميز لموديل هى من بنات الإسكندرية اسمها ميادة محمد ودفعنى ان أجرى حوار معها لاعرف من وراء هذا السيشن المميز فعرفت انها المتألقة ميرا سامح
– ما هو سبب دخولك المجال ؟
– انا احب المجال كموديل ميكاب وفاشون
– منذ متى دخلتى هذا المجال ؟
– منذ شهور الا انى الحمد لله تركت بصمة فيه والفضل بعد الله لمدام ميرا
– هل كنتى متوقعة نجاح السيشن الاول ليكى ؟
– الحقيقة لا ولاكن فوجئت بارتفاع نسبة المشاهدات تخطت المائة ألف
– هل نجاح السيشن الاول دفعك للعمل مع مدام ميرا فى سيشن جديد ؟
– نعم بكل تأكيد فأنا الحمد لله بحب اشتغل على نفسى ومدام ميرا لا تغير ملامح الموديل وانما تعمل على تفاصيل وجهها والحمد لله بدأنا فى التجهيز للسيشن الجديد بشكل مختلف.
– وما هو سر نجاح السيشن الجديد ؟
– مدام ميرا اختارت الفستان من اتيليه رشا احمد وقامت بعمل الميكاب والشعر والتصوير والحقيقة فريق العمل عندها كله رائع والمكان مريح واى عروسة بتطلع من عندها ملكة .
– وما هى خططك المستقبلية ؟
– اتمنى ربنا يوفقنى فى اللى جاى ويكون ليا معجبين وهستمر فى العمل مع مدام ميرا واتمنى افتح استوديو ونساعد بعض كموديلز ومصورين وانا كمان بحب التمثيل وياريت كل بنت تشتغل على نفسها وكل حاجه بتيجى واحده واحده وربنا هيكرمها ان شاء الله
وانا بشكرك اوى يا استاذ رامى العقاد أن حضرتك كلمتنى وياريت اكون عند حسن ظن حضرتك وحسن ظن الناس ان شاء الله .
– وكان لابد أن أجرى حوار مع ميرا سامح التى تميزت بأعمالها المبدعة وأفكارها المتميزة وهو ما يظهر على صفحتها على موقع الفيس بوك
– احييكى على أعمالك الإبداعية والتى لها لمسات مختلفة ومتميزة. 
– اشكرك يا استاذ رامى العقاد على المقدمة الجميلة واهتمام حضرتك
– ما هو سر نجاح اى سيشن تصوير ؟
– النجاح بياخد مجهود ووقت ولازم يكون هناك جديد كل مرة وابتكار لأن من يقف على نقطة واحده لن يتغير ابدا
– لماذا اختارتى ميادة للعمل معها ؟
ميادة اشتغلنا مع بعض مرتين وهى بتعرف تتصور كويس وبتشتغل على نفسها كويس اوى وده مهم وكمان هيا بتساعدنى ان الشغل يطلع كويس
– هل التفاهم بين الموديل والميكاب ارتيست أو فريق العمل عموما ينعكس بصورة إيجابية على العمل وبيكون سر النجاح ؟
– نعم هذه حقيقة فمثلا ميادة فهمتنى وبدأت تعرف انا عاوزه ايه والتفاهم ده بيكون سر النجاح
– هل سوف تستمرى فى العمل مع ميادة ؟
اكيد ان شاء الله مش هستغنى عنها احنا عملنا لوكين قبل كده كل لوك مختلف عن الثانى وميادة ملامحها حلوه والشغل مع الملامح الحلوه اصعب من الملامح العادية
– اتمنى ليكى كل التوفيق.
– شكرا لحضرتك يا استاذ رامى العقاد وانا سعيدة بالحوار اوى مع حضرتك .
*********************
* وبعد أن أجريت هذا الحوار أود أن أقول إن بالعزيمة والإرادة والتحدى والعمل الجاد بطريقة أكثر ابتكارا وتميزا وابداعا هو ما يصنع الاختلاف والتفوق والنجاح واتمنى للجميع التوفيق ان شاء الله *
حوار/رامى العقاد .
