كشفت الفتاة العراقية التي تدعى جي جي تفاصيل جديدة عن أزمتها الأخيرة مع الداعية عبدالله رشدي، وقالت: «احنا اتجوزنا شفيهاً بعد ما اتكلمت معاه كتير أوي على الفيسبوك، وقربنا من بعض قررنا الجواز علشان لو حصل حاجة بينا يكون حلال، واتفاجأت لما الشهود على عقد الزواج كانوا على التليفون».
وأضافت جيهان في تصريحات لها، أن «عبدالله أقنعني بعقد الزواج، يكون بالشكل ده علشان لو قعدنا أو سلمنا على بعض يكون الأمر مش حرام، وأكدلي أكتر من مرة أنه مش هينفع نقعد لوحدنا لأن ده هيكون خلوة».
وأضافت جيهان: «أقتنعت بـ كلامه في الأول وقولت ده راجل ديني وفاهم كويس، بس الصدمة بالنسبالي كانت بعد ما قفل الخط مع الشهود، اتصدمت جدًا من الاعتداء اللي حصل بعد كدة عليا، هو مكنش في ضرب لكن كان فيه ألفاظ خارجة وشد وتكتيف، شل حركتي علشان ميبقاش فيه مقاومة، لكنه لم يحدث اغتصاب كامل».
وتابعت: «حاولت أقاوم وأترجى أتكلم لحد ما يئست، وحاولت أصرخ هددني إن فيه ناس وأنا هطلع وإنتي اللي هتلبسي في الأمر، ولما حس إنه في صوت مني شالني وأخدني آخر أوضة».
وأردفت جيهان في تصريحات لها حول واقعة عبدالله رشدي وأنه قام بـ هتك عرضها: «موضوع الاعتداء خد 10 دقايق أو 15 دقيقة، وبعد ما خلص كنت خايفة منه، وقعد يحايل ويعتذر ويقولي أنت مراتي أنا معملتش حاجة غلط، وده حصل غصب عني ومش هيتكرر».
