تليفون الي سعاد حسني : إتحجبي مقابل فيلا وفلوس من الأمير

اتصلت بيا (فلانه) ولقتها بتقولي يا سعاد اتحجبي بقي عشان ربنا يشفيكي.. و التانيه تقولي اتحجبي و فيه امير هيجبلك فيلا في مصر و هيعالجك ويصرف عليكي .. تعرف انا عارفه الجماعات دي عاوزه ايه و عارفه ان الشيوخ دافعين فيا مبلغ وقدره عشان اي وحده فيهم تخليني اعتزل و اتحجب واقول الفن حرام , تصدق الفن الي ضيعت فيه عمري و الي هو بيتقاس منه تقدم الشعوب انكره واقول عليه حرام .. دا حتي ربنا يزعل مني اوي … وابقي واحده لمؤخذه مش كويسه
هو ينفع نقفل الاوبرا و نقول الباليه حرام و نحرق اغاني ام كلثوم او مثلا افراحنا تبقي من غير اغاني وزفه و موسيقي … الناس دي عاوزه تخنقنا و الحجه (س.ر ) الفنانه المعتزله صاحبه المذنبون
قالت يا سعاد انا معايا فيزا للسعوديه اتنقبي و قابليني هناك و انا هتصرفلك فالفلوس و تختفي عن الصحافه وتقوللهم توبت.

و كمان (ز . م) الراقصه التائبه تقولي تعالي علي تركيا جماعه فلسطنيين عاوزين يشفوكي و يعالجوكي
بقيت مزاد والكل عاوز اعلي سعر انا لو رحت بيت ربنا عاوزه اروح بفلوسي و علي رجلي وانا في كامل صحتي عشان ادعيله من قلبي مش بفلوسهم . رحمه الله عليها
‘من مذكرات سعاد حسني ‘