هي ثورة انقاذ مصر من الجماعه الإرهابيه قامت يوم 30 من يونيه 2013 في عدد كبير من محافظات مصر ضد ( محمد مرسي ) و نزل ملايين من الشعب و عزلوا ( محمد مرسي ) من حكم مصر بمساعدة وزير الدفاع عبد الفتاح السيسي و الاحزاب و حركات المعارضة
اسباب الثوره
١_محمد مرسي مسك حكم مصر لمدة سنه لكن ماحصلش تحسن ف مشاكل مصر الاقتصادية، و نقص الطاقة، و انعدام الأمن والأزمات الدبلوماسية.
٢_علشان حزب الاخوان المسلمين حزب الحرية والعدالة كان الحزب الحاكم، غالبية أعضائها لجنة صياغة الدستور كانو منهم و من حلفائهم و استخدمو ده علشان تمرير دستور بيدعم الشريعة الإسلامية (السبب الرئيسى ف الاحتجاجات )
٣_إسلوب الرئيس مرسى و الاسلاميين ف الحكم و تعارضه مع مطالب الملايين من الشعب المصرى اللى كانو عاوزين حكومة تحترم حقوقهم في مصر
٣_الصحفيين و وسايل الإعلام ركزو على مشاكل البلد و فشل مرسى و حكومته
الأزمات الإقتصاديه و العجز ف البنزين و انابيب البوتوجاز و الكهربا
٤_برنامج مرسى ف الانتخابات، وعد إن الدوله بعد الثوره هاتبتدى تتحل مشاكلها من خلال خطة ال 100 يوم، لكن ما نفذش من وعوده لم يكن موجودولم يرضى جموع الشعب
٥_خطط خفض الدعم علشان سلفة صندوق النقد الدولى 4.8 مليار دولار و كانت هاتسبب زيادة أسعار الغاز والكهربا و الأكل و زيادة الضرائب
منح مرسى عفو رياسى ل 17 من الاسلاميين المحبوسين و منهم أعضاء من الجماعة الإسلامية الذين قاموا بالعمليات الإرهابيه بسيناء
٦_مشاكل دبلوماسيه بما فيها بنا السدود الإثيوبية على طول نهر النيل،و تهديد حصة مصر من الميه.
سوء حالة الأمن تحت حكم مرسى و قتل 16 من حرس الحدود ف سيناء واختطاف 7 من افراد الامن المصريين
كل ده اتسبب ف إن كتير من المصريين كرهو نظام حكم محمد مرسى و هو دا اللي خلي الشباب و الاحزاب و حركات المعارضة و اشهرها ( حركة تمرد ) اللي إبتدت ف 26 ابريل 2013 بغرض سحب الثقة من محمد مرسي في فترة حكمه ينزلوا يوم 30 يونيو علشان يشيلوا محمد مرسي من الحكم
سبب اختيار يوم 30 يونيو بالتحديد
سبب اختيار اليوم دا بالتحديد ان اليوم دا اللي مسك فيه محمد مرسي الحكم من سنة 2012
نجاح الثورة في 3 يوليو
الثورة قعدت تقريبا 3 ايام ( 1 يوليو – 2 يوليو – 3 يوليو ) في يوم 3 يوليو نجحت الثورة لما طلع عبد الفتاح السيسى و عزل محمد مرسى .
