حلا شيحة تعلق على شطب عضويتها من “المهن التمثيلية”

خرجت الفنانةحلا شيحة عن صمتها؛ للرد على الهجوم الذي تعرضت له خلال الأيام الماضية، بعدما دخلت في أزمة مع الفنان تامر حسني، إثر تبرؤها من مشاهدها في فيلمهما الجديد ”مش أنا“.

ونشرت حلا منشورًا عبر حسابها الرسمي على موقع ”إنستجرام“، قالت فيه: ”حابة أشكر كل الناس الجميلة على رسائلهم الجميلة المشجعة، وحابة أشكر كل الصحافة اللي نشرت فتوى دار الافتاء النهارده اللي موقفي هو نفس موقفها اللي بيوضح إن التمثيل والفن عموما زي أي مهنة في الدنيا حلاله حلال وحرامه حرام“.

ومضت قائلة: ”أنا لا أحب أن أكون جزءا من أي نوع من التطرف سواء باسم الدين أو باسم الفن، ولو نقابة المهن التمثيلية ترفض موقف دار الإفتاء الواضح فهنيئا لي بشطبها لعضويتي“.

وأضافت حلا شيحة: ”حبي للفن محدش يقدر ينكره ولا يزايد عليه، أنا ماتكلمتش غير عن نفسي وبقدر كل زمايلي، الزميل الوحيد اللي ذكرته هو اللي الموضوع أصلا متعلق بيه، وعتابي ليه لحسن ظني بيه، والعتاب في الملأ عشان الكليب في الملأ“.

أما عن الحديث بشأن أجرها، قالت: ”وبالنسبة للكلام غير اللائق عن الأجر، كل اللي في المجال شاهدين اني كنت أعتذر عن عدد كبير من الأعمال الفنية وكنت بقبل أجور أقل مما يتناسب معي تعاونا مع صناع العمل، وأصلًا ما استلمتش الجزء الأخير من أجري في الفيلم لما أتأخر نزوله جدا وبدأت اتغير وأصلّح، لأن بصراحة الكلام عن (أجر كبير) ضحكني“.

وأكملت قائلة: ”أنا فنانة بطبعي ومن صغري وكل اللي يعرفوني عارفين حبي للفن، ودايما هعبر عن نفسي بمواهبي الفنية لما أحب، لكن الجديد اني مش هاعمل كده على حساب اللي انا مؤمنه بيه بجد جوايا زي ما قولت مؤخرا“.