رد حاسم من مخرجة فيلم “مش انا” على معز مسعود بشأن أزمة حلا شيحة

علقت المخرجة سارة وفيق، على هجوم الداعية معز مسعود،وهو زوج حلا شيحة علي الفنان تامر حسني، عبر حسابها قائلة «أستاذ معز أنا مخرجة فيلم (مش أنا) سارة وفيق قرأت بوست حضرتك اللي بتشير فيه إنك فاهم قصد الفنانة حلا عن بعض اللقطات اللي المفروض نراعيها.. بأي حق نشيل المشاهد بعد ما صورت وأخدت أجرها كامل؟ واحنا مالنا إنك اتجوزتها!! إنت اتجوزتها وهي فنانة وبتصور الفيلم دا، ودي حاجة مابينك وبينها إحنا مالنا وكمان بتقول كنت هتاخد إجراء».

حلا امتنعت عن تسجيل دوبلاج الفيلم
وأوضحت إنت ملكش أي حق تاخد أي إجراء ،والمفروض تشكرنا علي إننا مخدناش إجراء قانوني ضد مراتك، اللي امتنعت عن تسجيل صوتها إلي دوبلاچ الفيلم وعن تصوير أفيش الفيلم اللي اندفع فيه ملايين ،و تشكرنا لأننا شيلنا كل المشاهد اللي هي ماكنتش عايزاها.

موافقة حلا علي التصوير برضاها
واستكملت«هو حضرتك كنت فين من 21 يوم من ساعة ما الفيلم نزل؟ والفيلم كله على بعضه هينزل في التلفزيونات بالكليب اللي جواه ،حلا وافقت تصور برضاها، وكلمناها كتير مردتش علي رسايلنا، و كان لازم بخبرتك تخليها تتواصل و تقفل صفحتها مع شغلها صح.

ارغام حلا علي كتابة البوست
وتابعت حضرتك كنت فين وهي بتكتب البوست، ليه المواعظ العظيمه دي منصحتهاش بيها، دا لو مش إنت اللي كاتب البوست أصلاً، أنا مكنتش ناويه أرد ،لأن تامر رد بمنتهى الاحترام، وحلفني ما أردش عشان خاطر نفسيتها بس إنت استفذتني بصراحة.

واختتمت منشورها موضحة: «لو إنت اللي أرغمتها علي كتابة بوست بالشكل الساذج دا للحفاظ على منظرك قدام الناس، فانت فضلت نفسك على حساب حلا، وبكده للأسف خليت الناس كلها تهاجم مراتك دا لو إنت السبب برضو ».