روت “دعاء” الفتاة التي وثقت واقعة متحرش الأتوبيس بالجيزة، تفاصيل الواقعة، وكشفت عن رد فعل صادم للركاب بعدما عرفوا ما فعله المتحرش.
وقالت، في مداخلة هاتفية مع الإعلامي “سيد علي” في برنامج “حضرة المواطن” المُذاع عبر فضائية “الحدث اليوم”، “كنت نازلة وركبت أتوبيس عام تابع للهرم، وبعد ما ركبت الأتوبيس قعدت عادي ولقيت الاستاذ دا قاعد يبصلي بصات مش كويسة، وأول ما خطر على بالي أني أوثق الواقعة وأصورها وأفضحه زي ما غيره اتفضح”.
وتابعت فتاة الأتوبيس قائلةً: “رد فعل الناس بالنسبالي كان صادم أكتر من صدمتي من فعل المتحرش نفسه”، مُستكملةً: “قالولي استري عليه، قولتلهمك استر عليه ايه هو خبطني في كتفي، المفروض أقلع هدومي وأغطيه ولا اعمل ايه.. ومفيش غير بنت واحدة هي اللي اتكلمت معايا وشجعتني”.
وأردفت: “وبقيت أقولهم انتوا بتتفرجوا على ايه، وحاولت أصحي النخوة اللي جواهم، قالولي خلاص معلش، وطلبت منهم يجيبوا البطاقة بتاعته علشان أعمل فيه بلاغ محدش وافق”.
وأضافت دعاء: “اللي خلاني أصور الواقعة إن كان في الكرسي اللي ورايا أم ومعاها طفلة على رجلها، وكانت قاعدة وشايفة المنظر وكان الراجل بيبص ليا وللطفلة أثناء فعلته”.
أما عن موقف زوجها من الواقعة، قالت: “شجعني وواقف جنبي وحياني على اللي عملته، بس برضو استغرب رد فعل الناس”.
وكانت قد تداول مقطع فيديو عبر منصات التواصل الاجتماعي، يرصد شاب يقوم بفتح سوستة بنطاله ويقوم بأفعال خادشة للحياء أمام فتاة، وكشفت مصادر أنه تم فحص الفيديو للتأكد من صحته والوقوف على ملابسات الحادث. وقد تم تحديد هوية المتحرش
