وفاة الفنانة نيفين مندور بطلة فيلم «اللى بالى بالك»

أعلن الفنان شريف إدريس، الأربعاء، وفاة الفنانة نيفين مندور.

ونشر الفنان شريف إدريس، عبر صفحته الرسمية على «فيسبوك»، صورة للفنانة نيفين مندور، وكتب: «لا إله إلا الله.. الصديقة الطيبة الجميلة نيڤين مندور فى ذمة الله.. الله يرحمك ويحسن إليكي».

كانت الفنانة نيفين مندور تحدثت مؤخرًا عن شائعة زواجها من الفنان محمد سعد، قائلة: «سمعتها من ناس كتير بتشوفنى فى الشارع وبيقولولى هو أنتِ بجد مرات محمد سعد؟، أقولهم لا ومخوفتش من كده عشان طلما دخلتى الوسط فهتبقى معرضة للشائعات، فخلاص شر لابد منه».

وتحدثت نيفين مندور، عن كواليس عملها مع محمد سعد
وكانت الفنانة نيفين مندور قد كشفت عن كواليس عملها مع الفنان محمد سعد بفيلم اللى بالى بالك عام 2003، خلال لقائها التليفزيونى مع الإعلامية ياسمين عز؛ قائلة: «قابلت أحد أقارب الفنان محمد سعد خلال تناولى العشاء فى أحد الأماكن العامة، ولكن رفضت، لأن ساعتها كان ناجح فى فيلم اللمبى، ومكنش الفيلم يليق باحترام جميع الجمهور، وعرض عليّ بطولة فيلم مع محمد سعد فى فيلمه الجديد وقالى فيه حد هيكلمك، فطلبت منه يمشى من المكان ورفضت تاني».وأضافت نيفين مندور: «بعدها بيومين كلمنى مدير إنتاج فى شركة العدل وعرض عليّ الموضوع وقولتله إنى مش مقتنعة ابدأ التمثيل فى مصر ويبقى التمثيل برا، وبيتبص للممثلة بصة مش حلوة زى 95% من الممثلات وبيجى وقت بيتكلموا على الشخصية والملابس ومكنش عندى استعداد إن الناس تبصلى بصة مش حلوة».وتابعت: «وطلب منى مدير الإنتاج إنى أروح اتعرف عليهم حتى لو كنت رافضة، وكان قبل معاد المقابلة شوفت محمد سعد بالصدفة على طريق الصحراوى وعاكسنى، وفكرت إنى أروح أقوله إن أنا البنت إلى قابلها على الطريق وبس، ولما روحت الفنان حسن حسنى هو اللى أقنعنى بالعمل مع محمد سعد، ودخلت تصوير الفيلم بعد ما كانوا صوروا 30 % من مشاهد الفيلم كله».