بعد ثلاثية الزمالك في شباك سموحة.. رسالة عمرو أديب لمشجعي الأهلي

علق الإعلامي عمرو أديب، على أداء الزمالك أمام سموحة وتحقيقه الفوز بثلاثية أهداف مقابل هدف واحد ضمن منافسات الدوري المصري.

وقال “أديب” خلال تقديم برنامجه “الحكاية”. “الزمالك كسب سموحة 3-1 ايه المشكلة مانتوا حلوين أهو اللاعيبة بتلعب في مركزها والمدرب بيدرب وواقف على الخط”.

وأضاف “وبيدي تعليمات ده الزمالك اللي أنا اعرفه واللي أنا فاهمه وأنا عجبتني لقطة شيكابالا لما راح سقف للجمهور. أي نادي بيجيله كبوة وكل خد عليه كبوة”.

وتابع “المهم أنك رجعت توازنت تاني لطبيعتك نادي خطير ومهم والناس بتلعب في مراكزها والمدرب رجعتلوا الروح وشايف لاعيبة في الملعب”.

واستطرد موجهًا رسالة لمشجعي الأهلي “شايف كل أخوانا من النادي الأهلي معلقين على حكم المباراة. إحنا كسبنا 3 ليه بتأخدوا مننا حقنا”.

وأردف “لو جون واحد كنت تقول معلش وبعدين الراجل مش لوحده فيه فار وأخوانا من الأهلي قاعدين يقولوا شوفوا الحكم عملكوا ايه”.

وأكمل متسائلًا “عايزين مننا ايه تاني. وإحنا مش عارفين نقيد اللاعيبة نسيب الدوري ده ونروح دوري ب ولا نروح نلعب في دوري دولة تانية وارد يحصل عندك كبوة إنما خلاص بقى”.