حكايه عيلة جمعت بين الباشوات والدبلوماسية والفن.

عيلة بتبدأ من فوق خالص، من الجد الكبير محمد باشا فهمي، الراجل الأرستقراطي شركسي الأصل اللي وصل لمنصب رئيس مجلس الشورى في عز الملكية،
وجدتهم أمينة هانم المانسترلي صاحبة الاستراحة المشهورة على النيل.

ابنه محمود باشا فهمي سكرتير مجلس الشورى ورث الهيبة والاسم، اتجوز السيدة خديجة هانم زكي.

، وخلفوا 3 ولاد، الكبير حسن، والأوسط حسين ، والأصغر مصطفى.

الأخ الكبير حسن فهمي إختار طريق بعيد عن الفن، واتجه للدبلوماسية.

حسين فهمي كان دايما يقول كنا احنا التلاتة صحاب أكتر ما كنا إخوات، قريبين جدا من بعض، لحد ما حسن توفى.

وساعتها حسين قال إنه بقى يتيم بجد بعد ما فقد أبوه وأمه وأخوه الكبير، ومفضلش غير هو ومصطفى يواجهوا الدنيا سوا، وده اللي خلى علاقتهم قوية جدا لحد آخر يوم.

حسين فهمي دخل السينما من باب الوسامة والشياكة والناس لقبته بالواد التقيل او الدنجوان ، حياته الشخصية، اتجوز أول مرة من نادية محرم ، اللي خلف منها محمود ونائلة

بعدها جت قصة الحب الأشهر، ميرفت أمين، الجوازة اللي كانت حديث الوسط كله.

خلفوا بنتهم الوحيدة منة الله حسين فهمي، وعاشوا 12 سنة لحد ما انفصلوا، ومنة دي كبرت واتجوزت الفنان شريف رمزي، وبعد انفصالهم اتجوزت أحمد فهمي وبعد انفصالهم، إتجوزت المحامي طارق جميل.

حسين مكملش لوحده، دخل في جوازة تالتة من نينا، ثم جوازة رابعة من هالة فتحي، جوازة عملت ضجة وقتها لكنها مكملتش.

وبعد فترة هدوء رجع، اتجوز الفنانة لقاء سويدان، قصة حب ظهرت في كل البرامج وانتهت بإنفصال درامي.

وآخر جوازات حسين كانت مع سيدة الأعمال رنا القصيبي، جوازة كانت هادية، وإنتهت بالإنفصال برده.

أما الأخ الأصغر مصطفى فهمي، فأول جوازة ليه كانت من ست إيطالية، كارلا ، وخلف منها ولد وبنت عمر مصطفى فهمي ودينا مصطفى فهمي، وانفصلوا وفضلوا على تواصل محترم عشان الولاد.

تاني جوازة كانت من رانيا فريد شوقي التانية بنت وحش الشاشة، اتجوزوا خمس سنين تقريبا وانفصلوا.

وتالت جوازة كانت من الإعلامية اللبنانية فاتن موسى، وكانت قصة حب كبيرة نهايتها سنة 2021 .

كانت الأكثر ضجة باتهامات متبادلة، ومصطفى قال جملته الشهيرة لو سمعتوني بتكلم عن الجواز تاني عاقبوني.

مصطفى رحل عن عالمنا في 30 أكتوبر 2024 عن 82 سنة، ولحقه حسن من قبله، وفضل حسين لوحده شايل اسم العيلة لحد دلوقتي.