وجهت الفنانة سهر الصايغ، رسالة شكر لكل من وصف إطلالتها بالبساطة والرقة في مهرجان الجونة السينمائي في دورته الرابعة، وقالت: شكرا جدًا على آراءكم، رغم إن صعب الناس تجتمع على آراء وذوق واحد، والناس أكيد بتختلف وبتتفق، ويارب دايمًا أكون عند حسن ظن الناس دي حاجة مفرحاني.
وتابعت، اللي بياخد اللقطة دايمًا على الريد كاربت وصاحب الإطلالة الأفضل اللي بيكون نفسه، أنا مش ضد ولا مع حاجة معينة، بس كل واحد فينا ربنا خلقه وليه شكل وطابع وروح بتنطبع على كل لبسه وكلامه، مؤكدة أنها ضد وضع قانون يفرض على الفنانين دريس كود خاص بهم.
وواصلت سهر: وأنا في وضعي وبفكري حاليًا أرفض أن ارتدي ملابس مكشوفة زيادة، بس محدش عارف الدنيا فيها إيه ممكن يتغير الرأي.كما ردت عن منتقدي ملابس الفنانين بطريقة لاذعة في المهرجان: شوفوا الصورة الأكبر إن المهرجان دولي وباسم مصر، وبيتعمل في مدينة من أجمل مدن مصر “الجونة”، وفي النهاية الموضوع طالع شكله حلو وده يكفي.
