شيرين رضا: “فرحت لما بابا مات.. وهذه أمنيتي التي لم تتحقق”

تحدثت شيرين رضا، عن العديد من الأسرار في حياتها، والمراحل التي مرت بها بين زواجها من الفنان عمرو دياب، وإنجابها طفلتها “جنا” وهي في سن مُبكر، حتى أصعب اللحظات في حياتها عندما رحل والدها مصمم الرقصات الأشهر محمود رضا عن الحياة.

وتابعت شيرين رضا، إنها مرت بالعديد من الأشياء في حياتها جعلت منها شخصية تفضل مواجهة المشكلات، ولا تشعر أنها تقدمت في السن أو أنها بلغت، بل ترى نفسها دائمًا في عمر الـ28 ولم تُكمل الـ30.

وأضافت: “كنت فرحانة لما أبويا توفي، لأنه آخر فترة في حياته كان عيان جدًا وأنا كنت زعلانة عشانه، لذلك لما توفي حسيت إنه إترحم أو بقى مرتاح أكتر، أنا بيوحشني أبويا اللي كان موجود، بس مش فترة المرض والتعب بتاعه”.

واستكملت شيرين رضا عن وجهات نظرها التي كونتها على مدار سنوات من التعامل مع البشر: “أنا بقيت حاسة إن الجيل الجديد مش هايتجوز لأن المسؤوليات كترت أوي، ومبقاش فيه حب، وبرضو من المشاكل اللي بشوف إنها موجودة في الجيل الحالي، إن العرب معظمهم كذابين عشان كدا بنضطر نحلف بنكذب باسم ربنا، لكن أمريكا مثلًا نسبة الكذب فيها أٌل والصدق أكتر، عشان كدا مافيهاش حلفان”.

وعن الأمنيات التي لم تتحقق، قالت شيرين رضا: “أنا كان نفسي يكون عندي اخوات، على مدار سنوات طويلة كونت أصدقاء كتير جدًا، بس كان نفسي يكون عندي إخوات، يعني كل يوم بتجمع مع صحابي في الأخر كل واحد بيروح، لكن كان نفسي يكون عندي إخوات حقيقي، وبالمناسبة أنا جيت بعد سنوات من زواج أمي وأبي، لذلك أمي كانت مجنونة بيا، وبتهتم بكل تفاصيلي، بس للأسف كانت بتزعقلي كتير عشان خايفة عليا، أنا معملتش كدا مع بنتي».