رياضة

عمرو أديب عن براءة مرتضى منصور: علامة تعجب كبيرة بطول برج الجزيرة

عمرو أديب عن براءة مرتضى منصور: علامة تعجب كبيرة بطول برج الجزيرة

قال الإعلامي عمرو أديب: “معنديش مشكلة في براءة مرتضى منصور من تهمة سب الخطيب، ولكن فجأة طلع بيان من النادي الأهلي أنه لم تصدر اليوم أي أحكام قضائية في الدعاوى التي رفعها الخطيب ضد رئيس نادي الزمالك”.

مستشار النادي الأهلي
وأضاف عمرو أديب خلال برنامج “الحكاية”: “لو الحكم مش موجود فتلك مصيبة، أو الحكم موجود والمستشار القانوني للنادي الأهلي ميعرفش فالمصيبة أعظم”.

براءة مرتضى منصور
وعلق عمرو أديب: “شيء غريب جدا، اللى بيحصل ده يخلى الواحد مش فاهم حاجة خالص، هو مرتضى منصور خد براءة ولا غرامة ولا مفيش حاجة خالص، ولو طلع في النهاية مفيش حاجة خالص تبقى حدوتة غريبة جدا”.

مناشدة عمرو أديب
وتابع: “هل خبر براءة مرتضى منصور حصل ولا ايه اللى حصل، ويجب على متحدث وزارة العدل أو متحدث بإسم المحكمة يقولنا اذا كان فيه حكم ولا مفيش، ولكن شيء غريب اللى احنا فيه دلوقتي”.

موقف النادي الأهلي
وأكمل: “ابتديت أشك لأن مرتضى منصور في الحالات اللى زي دي لما ياخد براءة بيحتفل، ولكن مين اللى طلع الخبر ده وهو صح ولا غلط، وهل المواقع الساعة اللى جاية هتنشر نفي بعدم البراءة، وسألت ايه القصة محدش عارف حاجة، وانا مش واقف عند الحكم ودي مسائل بتاعت القانون ومش ليا رأي ولكن اللى بيحصل ليه؟ وهناك علامة تعجب كبيرة بطول برج الجزيرة، ولو الحكم صح يبقى الأهلي والكابتن الخطيب يمشي المستشار القانوني لجهله بالحكم”.

مصادر قانونية بالأهلي

ونفت مصادر قانونية في النادي الأهلي براءة مرتضى منصور رئيس نادي الزمالك في قضية سب وقذف محمود الخطيب.

وأكد المصدر، عدم صحة الأنباء التي ترددت حول حصول أحد الأشخاص على البراءة في قضية سب وقذف الخطيب.

وأوضح المصدر أن المحكمة الاقتصادية في القاهرة لم تنظر يوم الأحد، أي من الدعاوى القضائية المقامة من النادي الأهلي ضد المتجاوزين في حقه أو في حق رئيسه الكابتن محمود الخطيب.

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى