قامت فتاة بنشر مقطع فيديو، على صفحتها الشخصية بموقع التواصل الاجتماعي موقع الفيس بوك، ولم يتجاوز مدته دقيقتين والتي أظهرت خلاله تعرضها لمحاولة تحرش داخل ميكروباص، وظهرت الفتاة وهي تتشاجر مع المتحرش، وتحاول إجباره على النزول من السيارة.وكتبت الفتاة تعليق على ذلك الفيديو، وقالت يا جماعة الحكاية إن الراجل ده معرفش يلمسني لأني كنت حاطه شنطتي جمبي طول الطريق، راح مشغل فيلم إباحي وبيفرجني عليه، أنتوا شايفين إني أفورت برضو طالما التحرش مش جسدي.
وجاء ذلك بعدما ظهر خلال الفيديو، مجموعة من الركاب وهم يدافعون عن المتحرش، ويوجهون توبيخاتهم للفتاة بسبب إصرارها على إنزاله من السيارة، وقالت متحرش الناس بتدافع عنه ومش راضيين ينزلوني أضربه، تخيلوا، ورجالة العربية اتهجموا عليا، أنا نفسي أعرف هو مبقاش في رجالة.
وأضافت حاولت أنزله الراجل ده من العربية، لكنه رفض ينزل، وكمان الركاب رفضوا ووقفوا معاه، ويذكر إن تلك الواقعة لم تكن الأولى المتداولة على مواقع التوصل الاجتماعي خلال الساعات الماضية، حيث استغاثت أم بعد محاولة مجهول التحرش بابنتها طالبة الثانوية العامة.
وقام بالتعدي عليها بالضرب في أحد أحياء الهرم، وقالت بالفيديو يا جماعة أنا ست وحيدة مليش غير بنتين في الدنيا دي كلها، واحدة في الإعدادية وواحدة في الثانوية، البنت نزلت النهاردة تاخد الدروس بتاعتها مع المدرسين من الساعة 9 الصبح لحد الساعة واحدة ونص.
وأضافت أنا كنت بتابعها في التليفون عشان الدرس بعيد في آخر الهرم، ودلوقتي لاقيتها فجأة بتصوت وبتتصل عليا وبتقولي إلحقيني يا ماما، سألتها في إيه اللي حصل؟ لاقيتها مرمية في الشارع، وواحد نزل من عربية وبيتحرش بيها وبيشدها وبيقولها تعالي أعمل فيكي حاجات مش كويسة.
