اعداد/جمال حلمي
س:- الرقم 13 كان عدد السنوات التي قضيتها كأميرة أميرة بكل ما لهذه الكلمة من معنى السلطة والمال والرفاهية والطرف والنفوذ والحكم فقد تمت ولادتك في عام 1939 والثورة اندلعت بعام 1952. 13 سنة من مرحلة ذهبية .كيف تستعيدي هذه المرحلة؟ ما الذي تتذكريه عن تلك السنوات اللي قضيتها في مصر
ماذا عن النزهات ماذا عن الرحلات؟ كيف كانت حياتك؟ أسلوب حياتك ونمط حياتك؟ وأنتي كنني صغيرة في السن ؟؟ .
ج – ماما تزوجت صغيره في السن وكانت تلعب معي بنتها كأنها عروسة وبابا كان بيهرب من مكتبه عشان يجي يلعب مع بنته ويرجع جري لشغله.
كنا بنقوم بدري ساعة الثامنة أو الثامنة والنصف نفطر وبعد الإفطار كنا نشتغل مع المدرسين العربي وفرنسي طول الصبح وبعدين الساعة واحدة تقريباً كنا نتغدى وبعد الظهر كنا بنعمل رياضة ركوب خيل وجنباز ونلعب وبالليل بقى كنا بنام بدري كمان بعد عزف البيانو والقراءة حوالي الساعه الثامنه والنصف . كنا شتاءاً نقيم في قصر عبدين وصيفاً في قصر القبة؟ وقبل الطلاق كنا عايشين في قصر عبدين وفي الصيف المنتزه على البحر.وبعد الطلاق كنا عايشين في قصر القبة .
س – مين كانوا أصدقائك؟ هل كانت لديك صداقات مع فلحين أبناء فلحين؟
ج – ما عندناش أصدقاء ما فيش أولاد معانا خالص كنا دايماً مع الكبار وبعد الطلاق كانت واحدة بتيجي مرة في الأسبوع واللي هي لسه صاحبتي دلوقتي هي صافية النقراشي ولسه بنشوف بعض لغاية الأن لما بروح مصر وبنكلم بعض بالتليفون فكانت بتيجي مرة في الأسبوع تيجي تلعب معانا عشان نبقى مع أولاد بس أنا ما رحتش مدرسة وما شفتش أولاد تانين قبل ما روح كابري ما شفتش أولاد عمري أنا وإخواتي وبس
س – الملك فاروق وبالرغم من حداثة سنه وتحمله المسئولية مبكراً اعتلى العرش في سن السادسة عشر وكان الملك فاروق يعتبر والد الشعب المصري ووالد المصريين هل كانت واجباته وأشغاله ومشاغله طبعاً العديدة كانت تبعده عن بناته ام بالعكس دائماً موجود وحاضر إلى جانبكم؟
ج – دائماً حاضر لو عايزين حاجة .ولما كان ممكن يهرب نص ساعة على طول كان بيجي عندنا.
