كشفت والدة ضحية الابتزاز الجديدة، تفاصيل الواقعة، التي راحت ابنتها ضحية لها قائلة: «كان في بينا وبين جيرانا مشاكل، وبنتهم كانت بتسهر عندنا ومتصورة مع بنتي، ولما حصلت المشاكل بعتوا الصور لاتنين من قرايبهم وطلعوا عينيها، وواحد منهم كان عاوز 2000 جنيه عشان يمسح الصور».
وأضافت والدة الضحيه، أن المبتزين طلبوا منها ألا تخرج هايدي من المنزل وألا تذهب إلى المدرسة والدروس: «قعدتها من المدرسة عشان إحنا في قرية والصور لو اتنشرت هتعمل فضيحة، لكن بعد كده راحت الدرس والمدرسة، فشتموا فينا في الشارع، وأم صاحبتها قالت لي والله هخليكي تتندمي على بناتك التلاتة».
وتابعت أن جارها أبلغها بأن صور ابنتها نشرت على إحدى صفحات التواصل الاجتماعي، مضيفة: «عملوا صفحة على فيسبوك باسم دلعها، ولما دخلت عليها كان عليها صورة أبوها، وبعد كده الصفحة اتقفلت، ولما راحت المدرسة الصبح وجاءت من المدرسة كنت أنا في الشغل، وحصلت على حبة الغلال، ولما رجعت من الشغل لقيت ناس من العزبة قابلوني بالسيارة عشان يروحوا بها المستشفى، وعملوا لها إسعافات أولية لكن سيارة الإسعاف موصلتش».
وأشارت إلى أن صديقاتها أخبرنها بأن ابنتها لم تكن تأكل جيدا حزنا على المشكلة: «كانوا طالبين إننا نعتذر عشان يمسحوا الصور فاعتذرنا لكنهم ممسحوش حاجة، ولما بلعت الحبة قالت لعمتها إن جارتنا هي السبب في كل حاجة، ولم يتم القبض على المبتزين حتى الآن».
من جانبه أكد والد الطالبة ضحية الابتزاز ، أنه تم تقديم بلاغ إلى النيابة العامة بعد ابتزاز ابنته، قائلًا: « بنتي متحملتش الصور المفبركة والابتزاز، وخافت مني ومن مامتها وأهلها بصفة عامة فأخدت الحبوب وانتحرت».
واستكمل، أن السبب الرئيسي في ذلك هو جارة لهم، متابعًا: «خاصة انها في نفس اليوم اللي انتحرت فيه، كانت رايحة الامتحان الصبح وشافتها جارتنا وقالتلها انتي لسة عايشة أنا لو منك اخد سم وأموت .. فبنتي اتشجعت واما روحت من الامتحان أخدت الحبوب وانتحرت».
وأوضح، أن القصة بدأت منذ عيد الفطر الماضي، مشيرًا إلى أنه لديه 3 بنات، هايدي أولى دبلوم، وبنت أُخرى في 3 كلية تجارة، والبنت الثالثة في الصف الرابع الابتدائي.
وأضاف، أنه لا يوجد أي شجار بينهم وبين الجيران، قائلًا: «جارتنا جت تبتزني بالصور علشان أنا أضرب بنتي ومراتي .. ولكن أنا مضربتهمش قدامها وسكت.. أنا لو عايز احاسب بنتي أو مراتي هيبقى بيني وبينهم مش قدام الناس، فلما لاقتني سكت، ساقت فيها وقعدت تنشر الصور على النت .. وقالتلي في وشي ابقوا تفوا على وشي لو خليت عريس يدخل على بناتك».
وشيع العديد من أهالى مدينة أولاد صقر بمحافظة الشرقية، جثمان الطالبة “هايدي شحتة”، بعد تأدية صلاة الجنازة عليها بمسجد عزبة الحاج على، وسط بكاء أسرتها ومحبيها، مطالبين بالقصاص من المتسببين في قيام الطالبة بالتخلص من حياتها بتناول حبة الغلة السامة.
