اتعرضت صفاء أبوالسعود لأزمة كبيرة لما اتكشف جوازها من الملياردير السعودي الشيخ صالح كامل صاحب شبكة راديو وتليفزيون العرب
الجواز اتكشف لما تعرضت صفاء أبوالسعود للسرقة من الخادمة بتاعتها واللي سرقت 219 قطعة مجوهرات كان تمنها في الوقت ده 25 مليون جنيه
الناس ابتدت تسأل إزاي شخص واحد يملك الكمية دي من المجوهرات فاضطرت صفاء أبوالسعود انها تعلن جوازها من الشيخ صالح كامل
أزمة تانية اتعرضت ليها صفاء أبوالسعود لما ما قدرتش تحضر تشييع جوزها الشيخ صالح كامل بسبب ازمة كوفيد لانه رحل في السعودية ووقتها كانت كل المطارات مقفولة لكن الجميع أكد إنها كانت حزينة على رحيله.
ناس كتير اتهموا صفاء أبوالسعود إنها اتجوزت الشيخ صالح كامل بسبب الفلوس لكن في مقابلة صحفية قالت إنها اتجوزته لانه شخص محترم ومش بيتاجر بشهرتها وموهبتها..
أما عن الاتهام بجوازها منه بسبب الفلوس، قالت صفاء أبو السعود: “الحمد لله عمري ما فكرت كده، والدي كان لواء شرطة ومساعد وزير داخلية، وكان وضعنا المادي ميسور جد، وعمري ما أتمنيت حاجة مع حد، وبتبسط أوى باللي معايا، ووالدي علمني مبصش لغيري .
صفاء أبوالسعود خلفت 3 بنات من الشيخ صالح هما هديل وأصيل ونضير أكبرهم هديل اللي اترأست شبكة راديو وتليفزيون العرب وهي حاصلة على بكالوريوس إدارة الأعمال سنة 2000 ودلوقت هي نائب رئيس مجلس إدارة عدد من الشركات، وظهرت لأول مرة في حفل زفافها اللي أقيم في فندق بأسوان وسط إجراءات أمنية مشددة .
أما أصيل، فاتجوزت سنة 2014 وأقيم حفل الزفاف بحديقة فندق مينا هاوس بالهرم، وسط تواجد عدد كبير من نجوم الفن .
وفي مارس سنة 2017 احتفلت صفاء أبو السعود وجوزها صالح كامل بزفاف نضير وأقيم الحفل في فندق “أولد كتاركت” بمدينة أسوان، وحضره عدد كبير من المشاهير.
