سحر أسود في هدومها، ومنوم في عصير بنتها، وأحمد مظهر رفض يركع لها وعطّل التصوير.
قطعت شعر زميلتها بإيديها ودخلت المحاكم مع سعاد حسني. أسرار الوجه الخفي لـ “سيدة الشاشة” فاتن حمامة!.
نبدأ بأغرب كابوس.. السحر الأسود!
وهي بتصور «الأستاذة فاطمة»، دخلت الأوضة في اللوكيشن، لقت جيب فستانها مقصوص بطريقة تخوف، وجواه حاجة ملفوفة مش مفهومة!.. افتكرتها في الأول فأر، بس الصدمة لما قالولها: “ده سحر أسود معمولك عشان ينتهي مستقبلك. وفنانة شابة منافسة هي اللي وراه”
فاتن ما اتكلمتش ولا عملت هيستيريا.. بس فطين عبد الوهاب حب يرد القلم، جاب حاجة شكلها سحر وحطها في أوضة الفنانة التانية! أول ما شفتها صرخت واتهمت فاتن إنها بتسحرلها!.. القلم اترد في ثواني، بس الحرب كانت خلاص ولعت.
والحقيقة إن الغيرة منها كانت بتهز الوسط.. في «لحن الخلود»، أجرها ضرب وأخدت رقم أعلى من مديحة يسري نفسها.
بس فاتن ما جاتش من فراغ.. دي طفولة اتكسرت قدام الناس! المخرج محمد كريم شاف صورتها في مسابقة أجمل طفلة واختارها لفيلم «يوم سعيد» مع عبد الوهاب.. وفي اللوكيشن، فنانة كبيرة هزقتها قدام الكل وقالت بصوت عالٍ: “ده آخره الشغل مع العيال.
فاتن انهارت من البكاء وجرحها الموقف ده جرح ما يتنسيش! ولما كبرت شوية ورجعت المدرسة، النجومية بدأت تركب دماغها.. أبوها ضربها قلم جامد على وشها وقالها: “إنتِ فاكرة نفسك إيه؟ إنتِ ولا حاجة” قلم علّم على وشها وفضل يرن في ودنها طول عمرها.
حتى لما حبت وهي مراهقة، أبوها وقف في وش جوازها من عز الدين ذو الفقار.. هربت معاه من الباب الخفي للاستوديو واتجوزته في السر.
ومع الوقت، فاتن ما ارتضتش تبقى مجرد ممثلة بتردد كلام في سيناريو.
دخلت في الإنتاج عشان تمسك الخيوط كلها بإيديها، لدرجة إن جمهورها كان بيبقى نازل الشارع عارف إنه داخل يعيط، وبتوع المناديل يوقفوا طوابير قدام السينمات.
ولما قررت تقلب الترابيزة وتخرج من دور البريئة، عملت الشر في «لا أنام».. والكواليس هناك كانت ولعة نار.
مريم فخر الدين طلعت في تصريح نار وقالت: “أنا جمالي جمال ملكات.
إنما فاتن جمالها فلاحي.
فاتن ما اتنططتش ولا شتمت، ردت بـبرود قاتل: “أهالينا الفلاحين ربونا ما نردش على الكلام ده.
أما مع هند رستم؟ اللوكيشن كان هيفرقع! هند مسكت الجزمة وقربتها من وش فاتن في مشهد استفزازي.
فاتن زعقت ووقفت التصوير: “الحركة دي مش في السيناريو ومش هكمل.
المخرج حاول يلم الدور وأعاد المشهد، فـهند راحت نافخة دخان السيجارة كله في وش فاتن! هنا اللوكيشن شاط.. فاتن ثارت، وهند ركبت رأسها ورفضت تعيد للمرة التالتة.
والمخرج لقى اللعبة قفلت من الناحيتين، ورسي في الآخر على المشهد الأولاني بتاع الجزمة!.أسرار الوجه الخفي لـ “سيدة الشاشة” فاتن حمامة
وفي «دعاء الكروان»، فاطمة رشدي رفضت تمثل معاها وقالت: “اسمي يتكتب قبل فاتن يا إما بلاش. والدور راح لميمي شكيب..
أما فارس السينما أحمد مظهر؟ فعمل أزمة قلب بها اللوكيشن.
كان مطلوب منه ينحني ويكسر نفسه قدام “آمنة”.
مظهر ثار وزعق: “أنا ضابط جيش.. إزاي أركع لخدامة؟”.
وتوقف التصوير أيام لحد ما لقوا حيلة تخليه يوافق وصوّره بالعافية.
مرارتها في الفيلم ده ما كانتش بس مع مظهر.. ابنها طارق كان حرارته 40 وتعبان بيموت، وهي اندمجت في التصوير ونسيت تتصل تطمن عليه، ولما افتكرت انهارت في البكاء زي المجنونة.
بس المصيبة الأكبر حصلت مع بنتها نادية في «موعد مع السعادة».. البنت كان مطلوب تبان نايمة وهادية، فالإنتاج عمل حركة مرعبة من ورا فاتن.. حطوا للبنت منوم في العصير.
لما خلصوا المشهد فاتن رايحة تصحي بنتها.. البنت جثة هامدة مش بتتحرك. الدنيا اتقلب صريخ وعويل في اللوكيشن: “عملتوا إيه في بنتي يا مجرمين؟. ليلة مرعبة ما تتنسيش.
فاتن كانت مهووسة بالتفاصيل لدرجة السيطرة المطلقة.
في «أفواه وأرانب»، شافت إن رجاء حسين شكلها ناعم ومش راكبة على دور الفلاحة.. مسكتها من إيدها وعلى جنب، وجابت شعرها وفتلته بإيديها وشرشبت هدومها وبدلت ملامحها عشان تبان فقيرة بجد.
وفي «إمبراطورية ميم»، خلافاتها مع حسين كمال وصلت للسماء، لدرجة إن حسين كمال خرج في الصحافة وقال عنها: “شخصية لا تطاق.. وفنانة بالعافية بنستحملها.
فاتن حمامة ما كانتش مجرد ممثلة.. دي كانت دولة جوه اللوكيشن، وده السر اللي خلى اسمها يرن بالهيبة، وتفضل لحد النهاردة هي أسطورة السينما.. وسيدة الشاشة العربية.
توفيت الفنانة الكبيرة فاتن حمامة إثر تعرضها لهبوط مفاجئ في الدورة الدموية.
تفاصيل الوفاةالسبب: هبوط مفاجئ وحاد في الدورة الدموية.الوقت: مساء يوم السبت الموافق 17 يناير 2015 في تمام الساعة الخامسة مساءً.
المكان: فارقت الحياة في منزلها بمنطقة القطامية هايتس (التجمع الخامس) في القاهرة، وذلك بعد تعرضها لوعكة صحية مفاجئة، وقبل نقلها إلى المستشفى.العمر: توفيت عن عمر يناهز 83 إلى 84 عاماً.
أزواج فاتن حمامة.
عز الدين ذو الفقار: المخرج المصري، وتزوجا عام 1947 وأنجبا ابنتهما نادية، ثم انصلا عام 1954.
عمر الشريف: الفنان العالمي، وتزوجا عام 1955 وأنجبا ابنهما طارق، واستمر زواجهما حتى انصلا عام 1974.
محمد عبد الوهاب: الطبيب المصري، وتزوجته عام 1975 واستمر الزواج حتى وفاتها عام 2015.
