اتهام الشذوذ فجر غضب كلاتنبرج وأكد تدخل اتحاد الكرة في تعيينات الحكام

كواليس مثيرة في ازمة مارك كلاتنبرج رئيس لجنة الحكام بالاتحاد المصري وتهديده بالرحيل عن منصبه.

وقال مصدر”الاجتماع السابق بين كلاتنبرج مع الرابطة واتحاد الكرة، الراجل انفعل جدا وقال سبب تأزيم العلاقة ان الهجوم بيتعرض له من نادي واحد بس من كل أندية الدوري”.

وتابع “كلاتنبرج قال لما يصدر من قناة النادي الي بيهاجمني ان في علاقة شذوذ بيني وبين أحد الرجال الي جايبهم معايا مصر الكلام ده وصل لاسرتي مع انجلترا، وبنتي سالتني هل حقيقي اني سبت والدتها”.

وواصل “كلاتنبرج أكد أنه مندهش مما يقال عنه واتحاد الكرة لا يتحرك للدفاع عنه وأكد أنه سيلجأ لسفارة بلاده”.

وأضاف ” هذا الاتهام الخطير وسبب أزمة جعلت كلاتنبرج ترك الجلسة وقال انا مش شغال معاكم وحازم إمام رجعه تاني للاجتماع بس واضح ان كلاتنبرج مخطط لحاجة في دماغه وبقاله يومين او تلاتة مش بيرد على اتصالات اتحاد الكرة”.

واختتم حديثه “جمال علام قال لحازم إمام دي مجايبك، اجتمع معاه وشوف هتعمل ايه، كلاتنبرج قال لأحد اصدقاءه ان في تدخلات في التعيينات وبيتم فرض حكام عليا زي محمد الحنفي الي عنده 6 أخطاء مثلا وقررت ابعده لكن تم فرضه عليا وتم تعيينه”.