حوادث

جلست مع سائق أوبر في شقته لمدة أسبوع ومكنتش اعرفه.. نص اعترافات موكا حجازي

جلست مع سائق أوبر في شقته لمدة أسبوع ومكنتش اعرفه.. نص اعترافات موكا حجازي

«اعتادت والدتي ان تضربني بسبب ملابسي القصيرة والشبه عارية، حتى اضطررت لترك المنزل، وذهبت إلى إحدى صديقاتي في مدينة الشيخ زايد، وأنا جالسة معها تعرفت على أحد الأشخاص وعندما علم بحالتي عرض علي أن اذهب معه إلى شقته واجلس معه»

تلك كانت بداية نص اعترافات المتهمة موكا حجازي فتاة التيك توك في تحقيقات النيابة العامة لاتهامها بنشر مقاطع فيديو خادشة للحياء والتحريض على الفسق عبر عدة تطبيقات على مواقع التواصل الاجتماعي

الجزء الثاني من اعترافات المتهمة موكا حجازي،

وتقول:”انا كنت هدور علي اي محل او مكتبه اشتغل فيها وأحاول أعيش مع اي واحده من صحباتي لحد مأموري تتدبر”

س: رحتي فين بالظبط أول ماوصلتي الشيخ زايد؟

ج: أول ماوصلت رحت مع مجموعه بنات كنت اعرفهم وقعدنا علي كافيه واتعرفت علي واحد اسمه مصطفي ولما عرف حكايتي واني معنديش مكان اقعد فيه قالي تعالي اقعدي عندي بالبيت انا ومراتي ورحت فعلا معاه

س: مين مصطفي ده؟

ج: ده اسمه مصطفي ساكن بالشيخ زايد سواق اوبر ومعرفش عنه حاجه تاني، وقعدت عنده ما يقرب من 7 أيام وبعد كده مشيت من عنده عشان كان عايز يودوني دار رعايه وانا مكنتش عايزه اقعد بدار فمشيت

س: بعد كده رحتي فين؟

ج: بعد كده مشيت رحت اكتوبر مع بنات كانوا قاعدين بشقه هما طلبة بجامعة بأكتوبر كنت قاعده معاهم، وبعدين هما نزلو اجازه وروحت عند بنات تانين اتصاحبت عليهم وقعدت معاهم

س: اتعرفتي علي البنات دي ازاي؟

ج: اتعرفت على كذا بنت من النت وكنا نتقابل بالكافيه ونخرج سوى واتعرفت علي أصحابهم وبعد فتره ما يقرب من شهرين تلاته اتعرفت علي واحد اسمه ايمن وروحت قعدت عنده بشقته فتره

س: وما مدي استقرارك بمكان ثابت؟

ج: كنت في الغالب بقعد عند البنات اللي تعرفت عليهم وكانوا طلبه ولما كانوا بينزلوا اجازه مكنتش اعرف اقعد فين

س: وكنتي بتصرف منين الفتره دي؟

ج: كنت بقعد معاهم بالشقه واكل واشرب معاهم وخلاص

س: ومين ايمن ده تعرفيه منين؟

ج: ده مره كنت رايحه لصحابي وكان في شباب بيعاكسوني كانوا هيتحرشو بيا هو شافني بالصدفة وكان بيدافع عني واتخانق معاهم وصلني عند شقة صحبتي الي كنت رايحالها واداني رقمه وقالي لو احتاجتي حاجه كلميني وانا كلمته وقلتله معنديش مكان اقعد فيه

س: واي اللي خلاكي تتواصلي معاه

ج: لاني انا مكنش عندي مكان اروح فيه فكلمته وقلتله اني بالشارع ومعنديش مكان اروحله فقالي تعالي اقعدي عندي كام يوم

س: قعدتي عندو قد اي

ج: قعدت عنده فترات مختلفة وكان ممكن امشي واقعد عند ناس تانين اتعرفت عليهم

وكانت الإدارة العامة لمباحث الآداب ألقت القبض على موكا حجازي بتهمة نشر مقاطع فيديو خادشة للحياء عبر عدة تطبيقات على مواقع التواصل الاجتماعي

وكشفت التحريات التي باشرتها مباحث الآداب، أن الاسم الحقيقي لـ موكا حجازي هو نانسي، وأنها حاولت إنهاء حياتها من قبل إلا أن والدتها أنقذتها وقامت بإيداعها دور رعاية

وجهت النيابة للمتهمة تهمة بث مقاطع فيديو خادشة للحياء وممارسة الدعارة والتحريض على الفسق والفجور وقررت ايداعها احدى دور الرعاية لحداثة سنها حيث تبلغ من العمر 16 عاما

وكانت أدلت فتاة « التيك توك » موكا حجازي باعترافات تفصيلية عقب القبض عليها عن طريق الأجهزة الأمنية، عن رغبتها في الثراء السريع من وراء مقاطع الفيديوهات الخادشة للحياء التي بثتها عبر العديد من التطبيقات منها « تيك توك وإنستجرام ويويتوب »، وأنها حققت مكاسب مالية من وراء هذه الفيديوهات

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى