زوجة تصرخ في المحكمة: جوزي باع جسمي للناس علشان ياكل زفر

“بيعت كل حاجة وبرضه مطمرش فيه ” … بتلك الكلمات روت هند داخل محكمة الأسرة عن زوجها الذي أجبرها علي بيع جميع ممتلكاتها ليعيش حياة مليئة بالرفاهية غير مهتم بما تتعرض له من مجهود بدني شاق وحياة مأساوية ونظرات مؤلمة من الاخرين .

بدأت هند :” أنا وجوزي متجوزين من 7 سنين وعندنا طفلين ولد وبنت أتجوزت جوزي وأنا معرفش طباعه ولا حياته بس والده كان صاحب والدي وهما اللي وفقونا لبعض كان شغال أول 6 سنين في الجواز نقاش وكان بيتبطر دايما علي العيشة ومش عاجبه شغله ولا عاجبه مصدر الدخل اللي داخلنا من شغله ده وكان بيقولي دايما ” أنا تعبت من الفول والكشري ونفسي أكل فراخ ولحمة زي بقية خلق الله ” .

وتابعت حديثها :” جوزي اخر ما زهق قالي “أنزلي أشتغلي وساعديني” قولتله “هشتغل أية يعني وأنا مش معايا شهادة والعيال لسة صغيرين ومينفعش أسيبهم ” راح قالي ” أن شالله تنزلي تبيعي أي حاجة زي ما الستات بتعمل وخدي عيالك معاكي ” رفضت وفهمته أن طلبه ده مستحيل أني أنزل أذل نفسي للناس وأبهدل عيالي لكن هو نزل فيا ضرب وأهانة قدام الناس كلها عشان أوافق غصب عني وبالفعل من خوفي منه وافقت “.

وأختتمت هند حديثها :” جيبت شوية مناديل وسبح في الأول وكنت ببيعهم لكن مكنتش بطلع منهم بفلوس كتير وكنت برجع كل يوم مضروبة ويقولي ” الفلوس اللي أنتي بتجيبيها دي أخري أجيب بيها علبة سجاير ولو مجيبتيش حق أكلة فراخ ولحمة كل يوم ورجعتي البيت بدري تطبيخهم هطلقك وأخد منك عيالك ” هنا مكنش قدامي أي حل غير أني أبيع حاجات غالية فضلت أفكر قررت أطلع هدومي وقمصان نومي وأغسلهم وأبيعهم وأطلع كمان كوبايات وأطباق من النيش بتاع جهازي وأبيعهم وبالفعل عملت كدة عشان اأكله الفراخ واللحمة اللي هو عايزهم ومياخدش مني عيالي لحد ما مرت سنة علي الحال ده وبقيت بتعرض لحاجات صعبة زي أن راجل يطمع فيا أو واحدة ست تيجي تضحك عليا وتسرقني وهنا قررت أنفصل عن جوزي واللي يحصل يحصل خدت عيالي وهربت عشان مياخدهمش مني وروحت قعدت عند واحدة صاحبتي وهي شجعتني أرفع عليه دعوي طلاق للضرر ومعنديش أمل غير في ربنا والقانون أن هما اللي يجيبولي حقي من الراجل الجشع ده “.