حقيقه وفاة عمر سليمان الصندوق الاسود للاخوان

في مارس 2012؛ اللواء عمر سليمان كان سهران مع مجموعة من أصدقائه، منهم أحمد أبو الغيط، وزير الخارجية السابق، واللواء طوسون دعبس أحد كبار رجال المخابرات العامة السابقين..
الكلام كله كان عن وضع البلد..

وفجأة عمر سليمان قال للي قاعدين: “إذا الإخوان متعدلوش.. أنا الصندوق الأسود وهطلع كل اللي عندي”..

اللوا طوسون قاله: يا فندم بلاش الجملة دي تتقال تاني.. الكلام ده خطير وممكن يكلفك حياتك..

عمر سليمان قاله: انت عارف يا طوسون إني مبخافش..

اللوا طوسون رد عليه: بس انت عندك أسرار الدولة كلها وده هيفتح عليك نار جهنم..

القعدة انتهت.. وبعد كام يوم خرج عمرو أديب في برنامجه .. وقال إنه اتكلم مع اللوا عمر سليمان وسأله عن قانون العزل السياسي – اللي الإخوان بيعملوه عشان يطلعوه من انتخابات الرئاسة – فقاله: “أنا هتكلم يا عمرو.. والصندوق الأسود الكبير هيتفتح”..

وبعد دقايق من كلام عمرو أديب الدنيا اتقلبت جوا جماعة الإخوان.. وخرج خيرت الشاطر وقال: لو عمر سليمان عنده حاجة ضدي يطلعها.. أنا مش خايف من حاجة ولا خايف من الصندوق الأسود بتاعه..

لكن الإخوان مكنوش خايفين.. دول كانوا مرعوبين.. خصوصا بعد ما عمر سليمان قال: “أنا هنزل الانتخابات عشان أواجه الإخوان، وهشيل العمامة من على راس مصر”..

وفجأة خرج عمر سليمان من انتخابات الرئاسة في ظروف غامضة.. وبعد كام شهر مات..

ولما اتسأل الفريق حسام خيرالله، وكيل المخابرات السابق، عن موت عمر سليمان المفاجىء.. قال: “لو فيه مستفيد من موته فهما اللي خايفين من الصندوق الأسود”..

لكن ازاي الإخوان قدروا يخلصوا من عمر سليمان؟

⬇️

قبل ما يفوز محمد مرسي بالرئاسة.. الإخوان كانوا عايزين يخلصوا من عمر سليمان بأي طريقة وابتدوا اتصالات مع الأمريكان عشان ينفذوا..

لكن كان مطلوب تنفيذ العملية برا..

المخابرات الأمريكية بعتت فريق متخصص في العمليات القذرة لمصر.. والفريق ده فضل مراقب عمر سليمان..

وفي مرة كان خارج من المسجد بعد صلاة الجمعة سلطوا عليه موجات من أشعة متقدمة.. اتسببت إنه فقده وزنه بعد مدة قصيرة جدا ومبقاش قادر يتحمل الألم..

العلاج في مصر منفعش.. فاتنقل لألمانيا.. بس الوضع كان بيسوء يوم ورا التاني.. ومن ألمانيا طلع على دبي.. ومن هناك – وبترتيب من قائد عربي شهير – راح يتعالج في أمريكا..

وساعة الصفر كانت لما وصل عمر سليمان “مستشفى كليفلاند” في الولايات المتحدة..

المخابرات الأمريكية بالتنسيق مع الإخوان كلفوا اتنين دكاترة في المستشفى إنهم يحقنوا عمر سليمان بجرعة من عقار سري سام..

الطبيب الأول اسمه محمد المملوك.. سوري الجنسية.. وده دكتور قلب وأوعية دموية وشغال في أمريكا من سنة 77.. وكمان مستشار طبي لواحدة من العائلات الحاكمة في الخليج..

والتاني اسمه محمد عثمان.. وده هندي الجنسية مسلم الديانة… وشغال أستاذ ورئيس قسم وحدة إعادة تأهيل القلب والعناية المركزية بمستشفي كليفلاند..

وبعد حقن عمر سليمان بالسم.. المسئولين في المستشفى الأمريكي رفضوا يعملوا فحوص السمسوم غير التقليدية على الجثة..

وقالوا إن الوفاة طبيعية وإن محدش من أسرته طلب الفحوصات.. فمفيش معنى إنها تتعمل..

ومن هنا اتقفلت قضية موت عمر سيلمان قبل ما تبتدي..

وبسرعة اتنقل الجثمان لمصر وادفن..

وادفنت معاه قصة الموت الغامض لأقوى رئيس مخابرات عربي في التاريخ..

رحم الله البطل عمر سليمان وغفر له.

في مارس 2012؛ اللواء عمر سليمان كان سهران مع مجموعة من أصدقائه، منهم أحمد أبو الغيط، وزير الخارجية السابق، واللواء طوسون دعبس أحد كبار رجال المخابرات العامة السابقين..